«Қауіпсіз мектеп автобусы» Республикалық онкүндігін өткізу

«Қауіпсіз мектеп автобусы»

Республикалық онкүндігін өткізу 

ТҰЖЫРЫМДАМАСЫ

Онкүндіктің мақсаты: Пандемия кезеңінде балаларды білім беру ұйымдарына тасымалдауды ұйымдастыру барысында олардың қауіпсіздігін қамтамасыз ету, мектеп автобустарымен тасымалдауды жүзеге асыру кезінде жол-көлік оқиғаларының алдын алу. 

Онкүндікті өткізудің орны және кезеңі: республиканың өңірлерінде, 2021 жылғы 19 -29 қаңтар аралығында.

Қатысушылардың сапалық құрамы: мектепке дейінгі және мектеп жасындағы балалар, мүдделі мемлекеттік органдардың, кәмелетке толмағандардың істері және олардың құқықтарын қорғау жөніндегі комиссиялардың,  ата-аналар қауымдастығының, мекемелердің, қоғамдық үкіметтік емес ұйымдардың, бұқаралық ақпарат құралдарының, жергілікті полиция қызметтерінің өкілдері  және т.б.

Іс-шараның мазмұны және форматы:

Ұраны - «Қауіпсіз мектеп автобусы үшін».

Республикалық онкүндік балаларға, ата-аналарға және қоғамға қауіпсіз жол қозғалысы және балаларды тасымалдау ережелері туралы ескертпе болуы тиіс.

Онкүндікті кезең-кезеңімен өткізу ұсынылады, кезеңдердің әрқайсысы арнайы іс-шараларды өткізуді көздейді.

1.Мектептік тасымалдауды ұйымдастыру жөніндегі жергілікті атқарушы органдардың қызметін зерделеу

Пандемия кезеңінде негізгі назарды қауіпсіз тасымалдау мен

санитарлық ережелердің сақталуына аудару қажет.

автокөліктің техникалық жай-күйін, тахографтардың бар болуы және жарамдылығы туралы мәліметтер, балаларды білім беру мекемелеріне тұрақты тасымалдауды жүзеге асыратын автокөліктердің техникалық байқаудан өтуін, жүргізушілердің құрамын (тиісті санаттарының болуына, жүргізушінің өтілі, жолда тәртіп сақтау әдеттері) тексеру, қозғалыс схемасының бар болуы;

балаларды мектепке тасымалдауды жүзеге асыратын автокөліктердің  техникалық талаптарға сәйкестігін тексеру;

мектепке кірме жолдарының қауіпсіздігі (аумақты жарықтандыру, «Балалар» белгісінің бар болуы, жаяу жүргіншілерге арналған өткелдерді, «жатқын полицейлер» жасанды жол кедергісін және т.б. құру); 

балаларды тасымалдайтын көлік құралдарында (автобустарда) арнайы жарық (жарық түсіргіш шамшырақшалар) және дыбыс сигналдарының бар болуы; 

мектепке кірме жолдарында, жаяу жүргіншілерге арналған өткелдердің маңында қолданыстағы бейнебақылау камераларының бар болуы;

жол қозғалысы қауіпсіздігі ережелерінің бұзылуын болдырмау туралы және жол қозғалысының қауіпсіздігі тақырыбында мектеп автобустарының жүргізушілерімен нұсқамалар жүргізу, сондай-ақ балаларды көлік құралдарына отырғызу және түсіру кезінде мектеп автобустары жүргізушілерінің міндетті түрде апаттық дабыл қағуды қолдану; 

2.Онлайн режимінде Іс-шараларды ұйымдастыру және өткізу

- жол қозғалысы ережелері туралы парақшалар мен брошюралардың таратумен жол қозғалысы ережелерін түсіндіру бойынша қауіпсіздік сабақтарын өткізу; 

- бастауыш сынып оқушылары мен олардың ата-аналары үшін «Жарқын бол!» тақырыбында онлайн режимінде сынып сағаттарын, суреттер байқауын  өткізу.

- жол қозғалысы ережелері туралы әлеуметтік роликтерді көрсету арқылы онлайн ақпараттық –түсіндіру жұмыстарын өткізу;

- жол қозғалысы және балаларды тасымалдау ережелерін орындау мәселелері бойынша онлайн режимінде сауалнама жүргізу, мектепке дейінгі мекемелерде және жалпы білім беретін мектептерде сабақтар, дәрістер, ата-аналар жиналыстарын өткізу;

- жол қозғалысының қатысушыларын жолда сақ болуға шақыру бойынша челенж, флешмобтар ұйымдастыру. Аталған іс-шараны Балалар қоғамдық бірлестіктерінің, үкіметтік емес ұйымдардың өкілдерін тарта отыру ұсынылады.