13
февраль
2021
8-11сынып оқушыларының арасында «Сыбайлас жемқорлық-қоғам дерті» тақырыбында шығарма байқауы ұйымдастырылды
Сыбайлас жемқорлық-қоғам дерті. Аудандық білім бөлімінің тәрбие жоспары негізінде сыбайлас жемқорлыққа қарсы күреске арналған іс-шаралар жоспарына сәйкес №36 орта мектептің 8-11сынып оқушыларының арасында 12.02.2021 жылы «Сыбайлас жемқорлық-қоғам дерті» тақырыбында «Сыбайлас - жемқорлық» деген ұғымға өз көзқарастарын білдіртіп, дүниетанымын кеңейтіп, адалдыққа, әділдікке үйрету мақсатында шығарма байқауы ұйымдастырылды. Байқауды «қазақ тілі және қазақ әдебиеті» пәнінің мұғалімдері Шәрбану Зейнуллақызы мен Абиыр Дина ZOOM платформасы арқылы онлайн форматта өткізді. Нәтижесінде І орынға 8-сынып оқушысы Тоқтарбек Альбина, 9-сынып оқушысы Серікова Шұғұла, 11-сынып оқушысы Хакім Әдемі ие болды. ІІ орынды 8-сынып оқушылары Тұрғымбай Сабина, Исабек Кәусар,Бейсенғазы Сымбат,Нұртайқызы Арайлым, 9-сынып оқушысы Елгелдиева Алия, 11-сынып оқушысы Джумаддинова Айжан иемденсе, ІІІ орынды 8-сынып оқушылары Асанбай Ахмедияр,Сұлтанбекова Гүлсім, 9-сынып оқушысы Үркінбайқызы Айдана, 11-сынып оқушысы Смағұл Мадина иеленіп, барлық жүлделі орын иелері Мақтау қағазы және Алғыс хаттармен марапатталды.
Әр ата-ана өнеге берсін балаға,
Тәрбиесіз шоқ жұлдызың жанама,
Адалдыққа, даналыққа үйретсең,
Жолдан таймас ар болған соң санада.
Әбіш Кекілбаевтың «Адамдар әділ болса, өмір әділ» деген қанатты сөзін ұран етіп, Жемқорлықтың түбін жоюға баршамыз жең түре күресер болсақ, болашаққа нық қадам басар едік.