"Шығыс халықтары Наурызды қалай тойлаған?" тақырыбында 6"А" сыныбында қазақ тілі пәнінің мұғалімі Ш.Ақмамбет сабақ өткізді

Мектебімізде 16-наурыз күні 6"А" сыныбында қазақ тілі пәнінің мұғалімі Ш.Ақмамбет  "Шығыс халықтары Наурызды қалай тойлаған?" тақырыбында  сабақ өткізді.  Оқушылар шығыс халықтарының амандасып көрісуі, ұлттық киімдері, Наурызды қалай тойлағандары туралы мәліметтермен бөлісіп, пікір алмасты. Сонымен қатар, Наурыз мейрамын тойлау дәстүрі дүние жүзі халықтары көпшілігінің  тұрмыс-салтында бағзы замандардан орын алғанын білді.

    Қазақ, қырғыз, өзбек,түрік,татар,армян халықтарының қалай тойлағаны, қалай атағаны туралы Әбу Райхан Бируни, Омар Һайям еңбектерінен мәліметтер алып, білім қоржындарын толтырды. 

   Келесі сабаққа "Халқын сүйген-салтын сүйер" дегендей, іздену тапсырмалары берілді. "Бес қонақ", "Бел көтерер", "Наурызтөл" дәстүрлері туралы мәлімет жинап келу тапсырылды.14-18 наурыз аралығында "Бақ дарыған құт Наурыз"тақырыбында көркем еңбек пәнінің ұстаздарының ұйымдастыруымен сурет байқауы және "Ұлы Науырыз-жаңа жыл басы!"тақырыбында қазақ тілі пәнінің ұстаздарының ұйымдастырылуымен эссе байқауы өтуде.Сонымен қатар "Бұрымды қыз"байқауы және қазақтың ұлттық киім үлгісін дәріптеу мақсатында оқушылар қазақ кимін мектепке киіп келу үрдісі жалғасуда.Наурыз мерекесіне орай іс-шаралар әлі де жалғасын табады. Ұлттық Ұлысты күнін атап өтуге барлық мектеп шәкірттері мен ұстаздары атсалысуда.