«Оқытудың тиімді әдіс-тәсілдерін пайдалана отырып, оқушылардың білім сапасын көтеру» тақырыбында апталық болып өтті.

Алматы облысы, Іле ауданы, Жапек батыр ауылы №36 орта мектепте 18-22 сәуір аралығында мектебіміздің шығармашылық тобымен ұйымдастырылған «Оқытудың тиімді әдіс-тәсілдерін пайдалана отырып, оқушылардың білім сапасын көтеру» тақырыбында апталық болып өтті. Аталмыш апталық аясында бекітілген жоспар бойынша тәжірибелі ұстаздар оқыту және тәрбиелеу қиындықтарын шешуде оқытудың тиімді әдіс-тәсілдерін қолдана отырып, озық тәжірибені ұлттық және жалпы адамзаттық құндылық қағидаларымен сабақтастырып,оқушылардың білім сапасын арттыру жолында жасап жатқан еңбектерімен бөлісті. Жас мамандарға үлгілі сабақ түрлерін,сабақта қолданылатын тиімді түрлі әдіс-тәсілдер   көрсетті. Апталықта Физика, биология сабақтарында қолданылатын тиімді әдіс-тәсіл түрлерімен Қ.Ембергенова, Ж.Өжикенова, математика пәні бойынша кері байланыста берілетін тиімді әдіс- тәсілдермен Г.Тукадилова Г, Д.Бакишева  ұстаздарымыз өз тәжірибелерін көрсетіп  бөлісті.  «Қазақ халқының дәстүрлі музыкалық және рухани мәдениеті» тақырыбында 10-сыныппен Төлегенова Айгүл, Абиыр Дина тарих және әдебиет пәндерін байланыстырып, кіріктірілген сабақ өтті.Ағылшын және орыс тілдері пәнінің мұғалімдері  М.Курманжанова, Ж.Бубеева, А.Калагул , А.Онгарбаева « Сабақта қолданылатын интербелсенді әдістер» тақырыбында  шебер сынып өткізді.Бастауыш сыныпта оқытудың тиімді түрлі әдіс-тәсілдерін Г,Қасымбаева, Д.Жалилова, Ә.Шонатаева,  Ж.Асылбекова шебер сынып көрсетіп,оқу материалдарын тиімді меңгерту ерекшеліктерімен бөлісті.«Қазақ халқының материалдық мәдениеті және қолданбалы өнері» тақырыбында Ш.Ақмамбет, А.Рахметова, Н.Омаргазина  әдебиет, тарих, технология пәндерін байланыстырып, 7-сыныппен сабақ кезеңдерінің өтілу барысын тиімді әдіс-тәсілдер қолдана отырып, кіріктірілген сабақ өтті.