Бастауыш сынып ұстаздары әдістемелік құрал талдап қажетті ақпараттармен таныстырылды
Бастауыш сынып ұстаздары әдістемелік құрал талдап қажетті ақпараттармен таныстырылды.
Іс-шараның мақсаты:
Бастауыш сынып мұғалімдерінің кәсіби құзыреттілігін арттыру, заманауи білім беру технологияларын тиімді қолдану бойынша бағыт-бағдар беру, әдістемелік қолдау көрсету және тәжірибе алмасу арқылы білім беру сапасын жетілдіру.
№36 орта мектеп базасында бастауыш сынып мұғалімдеріне арналған әдістемелік отырыс ұйымдастырылып, әдістемелік құрал жан-жақты талқыланды. Іс-шара барысында ұстаздарға әдістемелік құралдың құрылымы, мазмұны, оқу үдерісінде қолдану ерекшеліктері мен тиімді тәсілдері бойынша кең көлемде ақпарат берілді.
Кездесу барысында педагогтер оқушылардың функционалдық сауаттылығын дамытуға, сабақ барысында белсенді әдіс-тәсілдерді тиімді пайдалануға және білім сапасын арттыруға бағытталған жаңа тәжірибелермен танысты. Сонымен қатар, мұғалімдер арасында тәжірибе алмасу жүргізіліп, оқу материалдарын заманауи талаптарға сай ұйымдастыру жолдары қарастырылды.
Әдістемелік жиын барысында қатысушылар өзара пікір алмасып, ұсыныстарын ортаға салды. Бұл өз кезегінде мұғалімдердің кәсіби шеберлігін жетілдіруге және оқу-тәрбие үдерісін сапалы ұйымдастыруға оң ықпалын тигізді.
